Mynta ka sngi ïa ka jingpule banyngkong la shim na ka Kitab Genesis 18:1-10a, ka jingpule baar pat la shim na ka shithi Jong u Paulose Apostol sha ki khristan ha Kolosse 1:24-28 bad ïa ka jingpule balai pat kata ka Kospel, la shim na ka Kospel kat kum u Lukas 10:38-42.
🎶 Ka Psalm 15:2-3,3-4,5(1a)
Ko para bangeit, kaei kaba u Blei U kwah ban ai ha ngi mynta ka sngi? Kat kum na kitei baroh lai tylli ki jingpule, ngi shem ba haduh katno u Blei U ieid ïa ngi u khunbynriew. Ka jingsiewspah ka jong u Blei Bahalor tam ka khraw ban ïa ka bor jong ki syiem jong ki raid bad ki hima ha ka pyrthei baroh kawei.
Ka jingpule ka banyngkong, ka ïathuh shai ha ngi ba kumno u Abraham u im bad ka jinglong kaba kumno u don. U Abraham, u long u briew uba tieng burom bad ñiewkor ïa u Blei. U im tang bad la ka tnga jong u ka Sara namar ba kim pat don khun haduh ka ryta kaba lah tymmen bha. Hynrei, namar ba u Abraham ryngkat bad ka Sara kaba long ka tnga jong u ki long ki briew kiba riewblei, ki la ïoh ïa ka jingaiei Blei ba ha u snem uba bud, ka Sara ka lah pun khun.
Kaei kaei kaba u briew um lah ban pyrkhat ban ban leh lane kaei kaei kaba u briew um lah ban pynlong, ha u Blei ka long lut. Te namar kata ngi baroh lang ngi donkam ban im bha, ban im sngi ha ka ktien jong u Blei bad ban sumar khuid ïa ki Hukum ki jong U bad ki jong ka Balang Bakhuid jong U hi baroh kawei.
Haba ngi phai pat sha ka jingpule ka Baar, ngi shem ba ka jingim jong u Paulose Apostol ruh ka ïadei dur bad ka jingim jong u Abraham bad ka Sara, ba u ieid bad shaniah skhem tang ha u Blei. U ïathuh ruh ha ngi ba ka jingpynim jong u Blei ka urlong shisha ha ka jingim jong kito kiba ngeit. Ka jingmaïa ba lah buhrieh mynshuwa, mynta ka lah paw pyrthei namar jong ka JINGNGEIT. Ka JINGNGEIT hi ka im bad ka sah tang ha kito ki briew kiba don ïa ka.
Ïa ka jingkhraw jong ka jingmaïa jong u Blei la ai ha kito ki ba ngeit ha U; hooid, U la pynïohi ïa uba matlah namar ba u ngeit, U la pynkhuid ïa uba sa ñianglyngkut namar ba u ngeit bad kumta ter ter.
Te para bangeit baroh, haduh katno ngi ngi ngeit ha U Blei? Ka kam phylla ka wan urlong tang lada ngi ngeit bad shaniah skhem tang ha U.
Ka Kospel pat ka bteng ïa ka khubor jingpynim bad ka hikai ba haduh katno ka long shisha kaba donkam haduh katta katta ban don ïa u Blei jong ngi ha syndah. Haba ngi don bad u Blei ngin kmen ha ka jingim kumba ka Maria ka kmen ha ka jingdon jong u Trai. Katba ka Martha pat ka shu bunkam khlem shongthait.
Lyngba jong kane ka Kospel, ko hynmen ko para, U Jisu, U khot U wer ïa nga bad ïa phi ban shongthait shipor na ki kam ki jam ki jongngi bad ban ai por ha ki jingduwai bad ban pule jingpule ïa ka Ktien ka jong U. Pynmlien bad hikai ïalade bad ïa kiwei ruh ban imsngi ha ka ktien jong U Blei.
Yn ïaroh ïa u Jisu Khrist.
Ka jingpule ka banyngkong, ka ïathuh shai ha ngi ba kumno u Abraham u im bad ka jinglong kaba kumno u don. U Abraham, u long u briew uba tieng burom bad ñiewkor ïa u Blei. U im tang bad la ka tnga jong u ka Sara namar ba kim pat don khun haduh ka ryta kaba lah tymmen bha. Hynrei, namar ba u Abraham ryngkat bad ka Sara kaba long ka tnga jong u ki long ki briew kiba riewblei, ki la ïoh ïa ka jingaiei Blei ba ha u snem uba bud, ka Sara ka lah pun khun.
Kaei kaei kaba u briew um lah ban pyrkhat ban ban leh lane kaei kaei kaba u briew um lah ban pynlong, ha u Blei ka long lut. Te namar kata ngi baroh lang ngi donkam ban im bha, ban im sngi ha ka ktien jong u Blei bad ban sumar khuid ïa ki Hukum ki jong U bad ki jong ka Balang Bakhuid jong U hi baroh kawei.
Haba ngi phai pat sha ka jingpule ka Baar, ngi shem ba ka jingim jong u Paulose Apostol ruh ka ïadei dur bad ka jingim jong u Abraham bad ka Sara, ba u ieid bad shaniah skhem tang ha u Blei. U ïathuh ruh ha ngi ba ka jingpynim jong u Blei ka urlong shisha ha ka jingim jong kito kiba ngeit. Ka jingmaïa ba lah buhrieh mynshuwa, mynta ka lah paw pyrthei namar jong ka JINGNGEIT. Ka JINGNGEIT hi ka im bad ka sah tang ha kito ki briew kiba don ïa ka.
Ïa ka jingkhraw jong ka jingmaïa jong u Blei la ai ha kito ki ba ngeit ha U; hooid, U la pynïohi ïa uba matlah namar ba u ngeit, U la pynkhuid ïa uba sa ñianglyngkut namar ba u ngeit bad kumta ter ter.
Te para bangeit baroh, haduh katno ngi ngi ngeit ha U Blei? Ka kam phylla ka wan urlong tang lada ngi ngeit bad shaniah skhem tang ha U.
Ka Kospel pat ka bteng ïa ka khubor jingpynim bad ka hikai ba haduh katno ka long shisha kaba donkam haduh katta katta ban don ïa u Blei jong ngi ha syndah. Haba ngi don bad u Blei ngin kmen ha ka jingim kumba ka Maria ka kmen ha ka jingdon jong u Trai. Katba ka Martha pat ka shu bunkam khlem shongthait.
Lyngba jong kane ka Kospel, ko hynmen ko para, U Jisu, U khot U wer ïa nga bad ïa phi ban shongthait shipor na ki kam ki jam ki jongngi bad ban ai por ha ki jingduwai bad ban pule jingpule ïa ka Ktien ka jong U. Pynmlien bad hikai ïalade bad ïa kiwei ruh ban imsngi ha ka ktien jong U Blei.
Yn ïaroh ïa u Jisu Khrist.
){kind=link}
2 Comments
Kiei kiei baroh ki shong ha ka jingim Jong ngi ba man ka ka khylliep ban pynshong nongrim ia ka jing ieid bad jingsbun Jong u blei trai kynrad bad ngi iai shaniah tang ha u. Thanks
ReplyDeleteHooid ka dei paralok.
Delete