U Snem jong ki Paidbah (Year of the Laity) ka dei ka por kaba kyrpang ha ka jingim jong ka Balang, ha kaba la khot kyrpang ïa ki paidbah Khristan (Laity) ba kin sngewthuh ïa ka jingkhot jong ki bad ïa ka bynta kaba ki don ha ka jingtrei jong u Blei. Une u snem um dei tang ka jingrakhe ïa ka por hynrei ka dei ka jingpyrkhat bad ka jingpynthymmai ïa ka jingim Khristan.
Kiei ki Laity?
Ha ka Balang, ki Laity ki dei baroh ki Khristan kiba ym dei ki Lyngdoh ne ki Sister, hynrei ki paidbah kiba la ïoh ïa ka jingpynbaptist kaba ngi tip kum ka Baptisma bad kiba im ha ka pyrthei – ha ïing, ha jaka trei, ha shnong bad ha ka imlang sahlang. Ki Laity kim dei tang ki nongpeit hynrei ki dei ki nongshim bynta ha ka jingtrei u Blei.
Ka Jingmut jong u Snem jong ki Paidbah
Ha une u Snem jong ki Paidbah ne Laity la khot ïa ki Khristan ba kin sngewthuh ba:
- Ki paidbah ki don ka bynta kaba khraw ha ka jingïalap ïa ka Kospel (Gospel).
- Ka jingim Khristan kam dei tang hapoh ka Balang hynrei ha ka pyrthei ruh.
- Man u riew paidbah ne Laity u dei u nongïalap da ka jingim jong u.
Ka Balang ka kyntu ïa ki paidbah ne Laity ba kin long ka jingshai bad u soh babha ha ka jingim paidbah, da ka jingieid, ka jingshisha bad ka jingbishar hok.
Ka Jingkhot jong ki Paidbah ne Laity ha ka Pyrthei
Ka jingkhot jong ki paidbah ne Laity ka long ban sakhi ïa u Khrist lyngba:
- Ka jingim bashisha bad ba khuid.
- Ka jingïatreilang ha ka imlang sahlang.
- Ka jingïarap ïa ki ba duk bad ki ba duna.
- Ka jingïaineh ha ka hok bad ka jingshisha.
Ha ka jaka trei, ha skul, ha ïing, ha jingïadei paidbah, u Laity u lah ban long ka jingkyrkhu ïa kiwei, da kaba pyni ïa ka jingïaroh ïa U Blei da ki kam.
Ka Jingkitkhlieh jong ki Paidbah ne Laity
U Snem jong ki Paidbah ne Laity u pynkynmaw ïa ngi ïa ki jingkitkhlieh kiba kongsan:
- Ban pule ïa ka ktien u Blei.
- Ban im katkum ka jingngeit.
- Ban don bynta ha ka jingim Balang.
- Ban ai ka jingshakri da ka sap ba u Blei u la ai.
Uwei pa uwei u Riew Paidbah ne Laity u don ka sap bad ka jingkhot kaba kyrpang, la ka long ha ka jingïaroh, jingïarap, jingïalam, lane jingïalap.
Ka Jingdonkam ïa ka Jingpynthymmai
U Snem jong ki Paidbah ne Year of the Laity u khot ïa ngi sha ka jingpynthymmai ïa ka jingim mynsiem. Ka long ka por ban kylli:
- Kumno nga im ïa ka jingngeit jong nga?
- Nga long mo u sakhi babha ïa u Khrist?
- Nga pyndonkam mo ïa ka sap jong nga ban shakri?
Kane ka dei ka por ban pynthymmai ïa ka jingaiti lut sha u Blei.
U Snem jong ki Paidbah ne Year of the Laity ka pynpaw ba ka Balang kam im tang da ki Lyngdoh hynrei da ki paidbah Khristan ruh. Man u riew Paidbah ne Laity u don k bynta ba kongsan ha ka jingtrei jong u Blei. Da ka jingim paidbah jong ngi, ngi lah ban pynkylla ïa ka pyrthei bad ban long ki sakhi jong ka jingïaid ryngkat bad u Khrist.
To ngin pdiang ïa kane ka jingkhot, ngin im da ka jingngeit, bad ngin long ki Paidbah ne Laity kiba im bad shakri na ka bynta ka burom jong u Blei.
: Ka Jingkhot Bad Ka Jingkitkhlieh Kong Ki Khristan){kind=link}