Duwai Kyrpad Ha Ka Jingïasaid Jong i (L) Most Rev. Archbishop Dominic Jala SDB., DD.

Hato phi ngeit ne em ba u shakri jong u Blei un ïasaid lem ha kane ka por jingtynjuh bashyrkhei. Kumba nga la ithuh bha ïa i nga tip katto katne shaphang jong i.

Katkum ka jingïathuh jong u driver jong i, la shem ba i  (L) Most Rev. Archbishop Dominic Jala SDB., DD., i don shisha ïa ka jingstad ba maïan ha kaba i tip bad ithuh ïa ki briew lada ki koit ne ki pang. Bad ïa kata ka i la ju pyndonkam tang da u shabi kali ban tip.

Te hangne nga kwah ban ïathuh ïa phi ba in lah ban ïasaid lem hakhmat jong u Blei na ka bynta jong ngi bad ka Ri bad ka Jaidbynriew hi ruh baroh kawei.

Lada phin bishar bniah ïa ka jingkhlad noh ka jong i na kane ka sla pyrthei ka long shisha kaei kaei kaba kham sngewphylla shibun. Shisien pyrkhat ka eh ïa ngi ban sngewthuh ne ban shemphang ïa ka jingduh noh ba kynsan kynsan ïa i. I la long shisha uwei na ki 'riewkhraw uba stad bad ba shemphang ha kane ka juk jong ngi ym tang ha ka Balang hynrei ruh ha ka imlang-sahlang, bad ka Ri bad ka Jaidbynriew hi ruh baroh kawei.

Bad ka sngi ontep ïa i ruh ka long kaba khraw bad kaba kham kyrpang bha. Naduh ka por ba ka met jong i kam pat wanpoi shane sha ka jylla Meghalaya ka jong ngi ruh ka la long kaei kaei kaba sngewmaïan shikatdei. Wat kito ki bym pat long Khristan ruh ki ong ba kim pat ju shem koit kata ka jingsngewthylli, ka jingsngew ba maïan aiu re bad ka jingsngew bamaïan ba i long u 'riewkhuid.

To ngin ïa buh jingmut ban duwai ha ryngkat ka jingïasaid bahok ka jong  i (L) Most Rev. Archbishop Dominic Jala SDB., DD., ba ngin lait na kane ka khlam ïa kaba la tip kum ka COVID-19 bad ruh ba ngin duwai ïa ka Psalm 91.