Ïa ka jingpule banyngkong la shim na Ka Kitab Jingstad 2:12, 17 – 20, ïa ka jingpule ba-ar pat la shim na ka Shithi ba-ar jong u Jakob 3:16 – 4:3. Bad ïa ka Kospel pat la shim na ka Kospel Bakhuid katkum u Markus 9:30 – 37.
Psalms 54: 3– 4, 5, & 8.
Ka jingpule ba nyngkong mynta ka sngi ngi shem ba ka don ka jingïaleh kaba khraw na ka bynta jong u briew uba im hok bad uba im shida. Bun bah ki nongshun ki thmu ban pynhap ïa u ha ka jingjot.
Shuh shuh ngi shem ruh ha ka Shithi jong u Jakob ba la pynshai shaphang ka daw jong ka jingthmu basniew jong ki 'riew bymhok, bad ka daw baroh hi ka dei ka jingbishni bad ka jingïasatnud. Kum kine kiei kiei baroh ki ïalam ïa u briew sha ka jingkulmar bad ka Kam pohjait pohrati ba har rukom.
Te mynta u Jakob u kylli ïa ngi iwei pa iwei ba, “…Hato ym dei ki jingkwah brai jong phi kiba ïaleh thma hapoh ki dkhot met jong phi ?”
Kumjuh ruh ka Kospel ka kren shai ha ngi ba ka jingkwah burom ka dei sa kawei ka daw jong ka jingsniew ha ki ïing ki sem bad ruh ha ka imlang sahlang ka jong ngi.
Ngi baroh ngi kwah burom, bad kane ka ïalam bakla ïa ngi. Hynrei u Jisu u ong ïa kine ki kyntien:
“Jar uba kwah ban long u banyngkong, u dei ban kheiñ ïa lade u bakhatduh eh bad ban long u shakri ïa baroh.”
Te to ai ba lyngba jong kine ki mat puson ngin sngewthuh ïa ka jingkwah ka jong u Blei ïa ngi ba ngin im hangne ha sla pyrthei
Yn ïaroh ïa u Jisu Khrist. Junon la junom. Amen
){kind=link}
0 Comments