Ka Taiew Lait-Ïa Ba Khatphra (Eighteenth Sunday In Ordinary Time)

Tarik: 02-08-2020

Jingpule:          Isaia 55:1 – 3

                        Psalms 145:8 – 9, 15 – 18

                        Roman 8:35, 37 – 39

                        Matheus 14:13 – 21

Ka jingieid ka jong u Blei ka long kaba khraw tam ban ïa kiei kiei baroh. Dei tang da ka jingieid jong U ba ngi lah ban im bad ban leh bun kiei kiei ha ka jingim. U Blei jong ka jingieid U long ruh u Blei Uba sbun bad Uba isnei ïa baroh. Um ju kwah ba ngin ïapthngan ha ka jingim jong ka met bad ka mynsiem.

Hooid, wat lada ngi kyllon bunsien ha ka jingim briew namar jong ka pap ka sang hynrei, ka jingieid ka jong u Blei ka kham khraw bun shah haba ïanujor bad kata ka jinglong jingim batlot jong ngi. Ym don eiei kaba lah ban dkhat noh lane ban pynduh noh ïa ka jingieid ka jong u Blei ïa ngi bad ruh –

Hato ka lanot?

Hato ka jingjynjar?

Hato ka jingbanbeiñ?

Hato ka jingthngan?

Hato ka jingduk – jingkyrduh?

Hato ka jingpang?

Hato ka khlam?

Hato ka thma?

Hato ki lah mo ban pyndkut ïa u kynjri jingieid Blei jong ngi? Da leilei ruh em, kin ym lah satia.

Roman 8:37 “Em, ha kine kiei kiei baroh ngi jop thiaw da Uta Uba la ieid ïa ngi”.

Matheus 14:14 “…bad haba U la ïohi ïa u paidbah babun ka dohnud jong U ka la dap da ka jingsngewsynei ïa ki, bad U la pynkoit ïa ki bapang…”.

Haba ngi bud ïa U da ka jingngeit, ngin ïoh ïa shibun ki jingkyrkhu bad ki jingaiei na U. Naba U leh ïa ki kam phylla ha ka por ka ïa kaba biang – U pynkoit ïa kiba shitom bad U ai bam ïa kiba thngan.

Kane keiñ ka dei ka jingieid kaba khraw ka jong u Blei ba U pynim ïa u paid jong U da ka jingieid ka jong U hi.

Yn ïaroh ïa u Jisu Khrist

Junom la junom. Amen.