18 Tarik Nailar 2019
Ko hynmen para bangeit baroh, ïa ka jingpule banyngkong la shim na ka Kitab jong u Jeremiah 38:4-6, 8-10. Ka jingpule baar pat la shim na ka shithi sha ki Hebru 12:1-4 bad ïa ka Kospel pat la shim na ka Kospel Bakhuid katkum u Lukas 12:49-53.
🎶 Psalms 40,1,2,3,17
Ka jingim ban da khmih bniah ka long shisha kaba donkam haduh katta katta ban da bishar bniah shuwa ban leh ïa kano kano ka kam. Ka jingpule ka banyngkong ka ïathuh shai ha ngi ba lada ngi im bha bad ban ïeng ha ka nongrim jong ka hok ka sot kam long satia kaba suk, namarba kin sa mih bun ki nongbishni bad ka jingbymngeit jong ki katto katne.
Kane ka jait jingshahkren ne ka rukom banbeiñ kam pat long ei ei haba da ïanujor bad ka jingshahbanbeiñ ka jong u Jisu Khrist. U Paulose Apostol u pynkynmaw ïa ngi ba ngim dei satia ban duh jingkyrmen haba ngi trei bha ïa kano kano ka kam. Hynrei ngi dei ban tur shaphrang bad ban jop ïa ka thong da kaba shaniah tylli ha ka bor bamaïan ka jong u Blei.
Ka Kospel ruh ka nang ïai pynshlur ïa ngi ban pynsaphriang ïa ka khubor jingpynim bad ban kren ïa ka hok da kaba sdang na la rympei. Bunsien hi ban kren ïa ka hok hakhmat jong kiwei ka kham suk ban ïa kaba kren ha la ïing la sem.
Hangne ko hynmen para ngi ïohi ba u Jisu hi u kwah ban rat diengkhong ïa ka jingsniew naduh tyllong kata kaba mut ban sdang na lade shimet ba na la rympei hi. Bad lada ngi lah ban leh kumne ban im ha ka hok ka sot ngin sa ïohpdiang ïa ki jingkyrkhu na u Blei jong ngi, bad ruh ngin sa ïoh ban rung ha ka Hima ka jong u Blei ha akher ka sngi.
Yn ïaroh ïa u Jisu Khrist.
){kind=link}
0 Comments